Frohe Weihnachten

Gepostet von mic am Dez 24, 2015 in Allgemein | Keine Kommentare

Die Onlineredaktion wünscht allen Lesern

Frohe Weihnachten

 

 

 

 

 

 

 

Jesus kütt op de Welt (Lk 2, 1-20)

Domols kom vum Kaiser Ajustus dä Befähl, em janze römische Reich de Lück ze zälle. Jede maat sich en singe Heimatort op de Söck, für sich rejistriere ze losse. Weil dä Josef us d`r Familie vom David wor, moot hä von Nazareth en Galiläa no Betlehem en Judäa riese, weil dat die Stadt wor, us der sing Familie stamme dät. Sing Verlobte – dat Maria, dat jrad ne Pänz erwade dät – nohm hä met. Kaum wore se ahnjekumme, kom dä Klein op de Welt. Weil en d`r janze Herberje keine Plaaz mie wor, läte se dat klei Wickelditzje en de Krepp vun däm Stall, en däm se ungerjekumme wore.

Et wore Hirte en d`r Jäjend, die des Naats drusse blieve, für de Herd ze bewache. Ene Engel vum Här kom bei ihne vürbei un laat ene jroße Optrett met Lech un Bletz un Donner hin. De Hirte, die sujet noch nie jesinn hodde, krääte möt d`r Angs ze donn. Doch d`r Engel saat: „Ihr brucht kein Angs zo han! Weil, ich bränge Üch jode Nachrichte, en jroße Freud für alle Minsche. En Betlehem ess hück Ühre Retter jebore wode: „Christus, dä Här. Wenn Ihr e Wickelditzje seht, dat en ener Krepp litt, dann hatt Ihr ihn jefunge!“

Op eimohl kom e janz Heer vun Engele dozo un reef: „Ehre für Jott em Himmel! Un op d`r Äd Fridde für die Minsche, die Jott leev hätt!“ Wie die Engele wedde fott wore, däte die Hirte beschleeße, noh Betlehem ze jon un nohzelohre, wat do loss wor. Se maate sich direck op d`r Wääch un trofe Maria un Josef und at Wickelditzje en d`r Krepp.

Wie se dat soche, däte se vezälle, wat se erlääv han un vum Engel över dä Panz jehoot hodde. Un jeder dä dat hoot, wor völlich vun d`r Söck. Dan jingen die Hirte widder zeröck noh ihre Schofe un lobten Jott für alles, wat se jehoot un jesinn hodde.
Alles wor esu, wie et verkündet worde war.

(Übersetzer unbekannt)